Retribucións, indemnizacións e compatibilidades
Retribucións e indemnizacións de máximos responsables
De conformidade coa Lei 3/2015, de 30 de marzo, reguladora do exercicio de alto cargo da Administración Xeral do Estado, o único alto cargo e que coincide con ser o máximo responsable da compañÃa é o Presidente.
As súas retribucións están reguladas polo Real Decreto 451/2012, de 5 de marzo, que recolle o réxime retributivo dos máximos responsables e directivos do sector público empresarial e outras entidades, e na Orde do Ministerio de Facenda e Administracións Públicas de 30 de marzo de 2012 que o desenvolve.
As retribucións brutas anuais percibidas en 2023 polo anterior Presidente de Correos dende o 1 de xaneiro até a data do seu cesamento ascenderon a 207 077,65 euros. Do mesmo modo, no devandito exercicio percibiu 25 335,80 euros en concepto de indemnización como máximo responsable.
Por outro lado, as retribucións brutas anuais percibidas en 2023 polo novo Presidente dende a súa incorporación foron de 1 440,43 euros.
No seguinte documento PDF móstranse as retribucións e indemnizacións percibidas polo Presidente nos anos anteriores:
Compatibilidades
O réxime de incompatibilidades está regulado na Lei 53/1984, de 26 de decembro, de incompatibilidades do persoal ao servizo das Administracións Públicas e no Real Decreto 598/1985, de 30 de abril, sobre incompatibilidades do persoal ao servizo da Administración do Estado, da Seguridade Social e dos Entes, Organismos e Empresas dependentes.
A información sobre as resolucións de compatibilidade poderán ser consultadas no Portal de Transparencia da Administración Xeral do Estado:
Orzamientos