Grupo Correos Correos-ek, eta Correos Express, Correos Express Portugal eta Correos Telecom filialek osatzen dute. Mezu fisiko eta digitalen sektorean gaude, baita paketeriaren merkatuan ere. Urgentea ez den garraioan lehenak gara eta, merkataritza elektronikoaren sektorean, aitzindariak.

Correos GRUPO SEPI-ren parte da. Holding enpresariala da, 15 enpresa zuzenean eta gehiengo partaidetza dutenak osatutakoa, eta 74.000 langile baino gehiango dituztenak. Corporación RTVE-ko akzioduna da, eta tutoretzapeko fundazio publiko bat dauka, baita partizipazio minoritario zuzenak ere bederatzi enpresetan, eta zeharkakoak ehun sozietate baino gehiagotan.

Grupo Correos elkartearen Segurtasun Politikaren helburua segurtasunaren arloko jarduerak zuzendu behar dituzten helburu eta printzipio orokorrak ezartzea, taldearen pertsona, ondasun eta instalazioen babes eraginkorrari esker.

Politika honek erakusten duenez, segurtasuna da Correos enpresaren antolaketa orokorra eraikitzeko funtsezko zutabeetako bat, helburu hauek lortzen lagundu ahal izateko:

· Erakundea osatzen duten pertsonak eta ondarea babestea, barneko edo kanpoko mehatxuetatik eratorritako arriskuak arintzea ahalbidetuko duen Segurtasuna Kudeatzeko Sistema bat edukita.

· Segurtasun-baldintza egokiak sortzea, taldearen helburuak lortzeko eta operazioekin jarraitzeko.

· Aplikatu beharreko araudia betetzea eta agintaritza eskudunekin lankidetzan aritzea dagokion eremuan.

· Politika hori eta hura garatzen duen arau-esparrua zabaltzea, erakundeko langile guztiei arlo horretako prestakuntza eta kontzientziazioa sustatuz, segurtasuna konpainiaren prozesuen parte izan dadin.

Correos Taldea komunikazio fisiko eta digitalen sektorean eta pakete-bidalketaren merkatuan diharduen enpresa-multzoa da. Sektore horretan gero eta bezero gehiagok balio erantsi handiagoko zerbitzuak eskatzen dituztelarik, horiek soilik bikaintasunaren eta jasangarritasunaren bidez eskaini daitezke.

Jokabide-kode Orokorrean eta politika korporatibo desberdinetan jasota dauden legezkotasuna, zintzotasuna, zuzentasuna eta gardentasuna betetzeko printzipioen arabera, eta Nazio Batuen Garapen Jasangarrirako Helburuekiko (GJH) Lerrokatze Ereduaren eta enpresaren Jasangarritasunerako Plan Zuzentzailearen barruan, konpromiso hauek hartu ditugu:

• Bezeroekin, prozesuetan eta produktuetan eraginkortasunaren eta berrikuntzaren Zerbitzuaren bikaintasuna etengabe bilatzen dugu, eta gero eta digitalagoa den gizartera egokitutako irtenbide berriak garatzen ditugu.
• Taldean lan egiten duten pertsonekin, haien osasuna eta laneko segurtasuna, etengabeko prestakuntza eta garapen profesional eta pertsonala zainduz.
• Ingurumen-jasangarritasunarekin, ingurumenaren babesa sustatuz, airearen kalitatearen, klima-aldaketaren eta ekonomia zirkularraren arloan helburu zehatzak ezarriz eta helburu horiek Nazio Batuen Garapen Jasangarrirako Helburuekin bat etortzen direla sustatuz.
• Gizartearekin, gure jarduera egiten dugun komunitateen garapen soziala eta kulturala sustatuz eta haien ongizatea eta aurrerapena bultzatuz.

Correos Taldearen Arrisku korporatiboak Kontrolatzeko eta Kudeatzeko Politikak, Administrazio Kontseiluak 2022 an onartutakoak, arriskuak modu sistematikoan eta uniformean identifikatzeko, aztertzeko, kudeatzeko eta kontrolatzeko oinarriak eta jarraibideak ezartzen ditu, honako hau lortuz:

• helburu estrategiko korporatiboak lortzea, sortutako balio ekonomikoa maximizatuz;
• interesa duten talde guztiei berme-maila egokia ematea;
• aplikatzekoa den araudia betetzea;
• eragiketak aurreikusitako segurtasunarekin eta kalitatearekin egiten direla erraztea, zerbitzu publikoaren jarraipena ziurtatuz.

Politikak arriskuak identifikatzeko eta tolerantzia-atarien barruan mantentzeko, eta une bakoitzean arrisku-maila onargarriari buruz erabakitzeko osagaiak errazteko jarraitu beharreko jarraibideak zehazten ditu, horien zeharkakotasuna kontuan hartuta. Horretarako, lau jarduera-printzipiotan oinarritzen da ezarpena: arriskua kudeatzeko joera, barneko kontrol ingurune eraginkorraren bidez; gobernu korporatiboa indartzea; arriskuaren kudeaketa integraleko estrategia eta kultura; eta barneko gardentasuna.

Informazioaren segurtasuneko gure politikak helburu estrategiko hauek ditu:

• Segurtasun-maila egokiak izatea, konfidentzialtasunari, integritateari, erabilgarritasunari, trazabilitateari eta benetakotasunari dagokienez. Maila horiek bat etorri behar dute negozioaren beharrekin eta gure bezeroen konfiantzarekin.
• Segurtasun-maila egokia ematen duten neurri teknikoak eta antolamendu-neurriak ezartzea, informazio hori tratatzen duten sistemetara eta prozesuetara iristeko.
• Indarrean dagoen lege-esparrua eta bezeroekin hitzartutako kontratu-baldintzak une oro betetzen direla bermatzea.
• Zibersegurtasunaren kultura sustatzea erakundeko langile guztien artean.
• Informazioaren Segurtasuna Kudeatzeko Sistema bat izatea, nazioarteko estandarretan oinarritua, aktibo, prozesu eta zerbitzuei lotutako arriskuak identifikatu, kuantifikatu, lehenetsi eta tratatzeko.
• Informazio-zerbitzuen eta -sistemen jarraitutasunari eusteko behar diren kontingentzia teknologikoko mekanismoak ezartzea, zerbitzu eta sistema horiek denbora-tarte onargarrian berreskuratzea ahalbidetuz.